सेलू (प्रतिनिधी) परभणी जिल्ह्यातील सेलू तालुक्यात उभ्या ज्वारी पिकाला जाणीवपूर्वक आग लावून सुमारे 60 हजार रुपयांचे नुकसान केल्याची धक्कादायक घटना घडली. या प्रकरणी सेलू पोलिसांनी तात्काळ कारवाई करत आरोपीला अटक केली आहे.
पोलिसांनी दिलेल्या माहितीनुसार, फिर्यादी शेख अब्दुल वाजीद शेख मजीद (वय 50, व्यवसाय – शेती, रा. घिस्सेखान नगर, सेलू) यांच्या मालकीच्या शेत गट क्रमांक 88 मधील ज्वारी व कडबा या उभ्या पिकाला आरोपी शेख तौफीक (पूर्ण नाव अज्ञात, रा. सेलू) याने जाणीवपूर्वक आग लावल्याचा आरोप आहे.
ही घटना दि. 5 एप्रिल 2026 रोजी सायंकाळी सुमारे 4 वाजण्याच्या सुमारास घडली. पोलीस निरीक्षक दीपक बोरसे घटनास्थळी जाऊन पाहणी केली.
या आगीत अंदाजे एक ते सव्वा एकर क्षेत्रातील पिक जळून खाक झाले असून सुमारे 60 हजार रुपयांचे नुकसान झाले आहे.
या प्रकरणी सेलू पोलीस ठाण्यात गुन्हा रजिस्टर क्रमांक 161/2026 अन्वये भारतीय न्याय संहिता (BNS) कलम 326 (F) अंतर्गत गुन्हा दाखल करण्यात आला आहे. गुन्ह्याची नोंद त्याच दिवशी रात्री 8.06 वाजता करण्यात आली.
पोलीस निरीक्षक बोरसे यांच्या मार्गदर्शनाखाली गुन्हा दाखल करण्यात आला पुढील तपास पोलीस हवालदार शेख (बकल नं. 929) हे करीत आहेत या घटनेमुळे परिसरात संताप व्यक्त होत आहे.
✍🏻मुख्य संपादक – अशोक अंभोरे
