सेलु: प्रतिनिधी
गायत्री नगर येथे किरकोळ वादातून झालेल्या चाकू हल्ल्यातील मयत आदित्य प्रधान यांच्या मारेक-यांना तात्काळ अटक करावी या मागणीसाठी मृतदेहासह नातेवाईकांनी पोलीस स्टेशन येथे शनिवार १८ रोजी ठिय्या अंदोलन करून जोपर्यंत आरोपींना अटक करण्यात येत नाही तोपर्यंत मृतदेह उचलणार नसल्याचा आक्रमक पवित्रा नातेवाईकासह गायत्री नगर येथील रहिवाशांनी घेतल्याने पोलीस स्टेशन येथे तणावाचे वातावरण निर्माण झाले होते.याबाबत सविस्तर माहिती अशी की,या प्रकरणातील आरोपी यांनी किरकोळ कारणावरून आनंद दगडू ढोले व आदित्य मिलिंद प्रधान यांच्यावर चाकूने वार करून गंभीर जखमी केले होते.यातील गंभीर जखमी आदित्य मिलिंद प्रधान याचे शूक्रवार १७ रोजी उपचारादरम्यान निधन झाले तर आनंद ढोले यांची प्रकृती गंभीर असून त्यावर रूग्णालयात उपचार सूरू आहेत.या प्रकरणी संघमित्रा दगडू ढोले यांच्या फिर्यादीवरून आरोपी बुध्दभुषण पिराजी ढगे,अशोक पांडुरंग पाईकराव रवि पांडुरंग पाईकराव ,कुणाल बाळु सोनटक्के , अजय भानुदास उघडे, कविता अशोक पाईकराव , सिमा बुध्दभुषण ढगे सर्व रा. गायत्री नगर सेलु यांच्यावर गुरनं २०५/२०२६कलम १०३(१), १०९(१),१८९(२),१९१(२),१९१(३),१९०,११५(२),३५२ आन्वये खूनाचा गून्हा दाखल करण्यात आला असून दोन आरोपींना अटक केली असून पाच आरोपी आद्यापही फरार आहेत.घटनेचा तपास उपविभागीय पोलीस अधिकारी दिपककूमार वाघमारे यांच्या मार्गदर्शनात पोलिस निरिक्षक दिपक बोरसे यांच्या आदेशान्वे पोलीस उपनिरिक्षक बलभिम राऊत हे करत आहेत.
🔹भांडण सोडवण्यासाठी गेला अन जिव गमावला
आनंद दगडू ढोले यास आरोपी बूद्धभूषण ढगे याने विहाराच्याजवळ जेवण करण्यासाठी बोलवून पैशाची मागणी केली पैसे नसल्याकारणाने आनंद याने जेवनास नकार देवून घरी गेला असता आरोपींनी त्याच्या घरी जावून बाहेर ये म्हणत आनंद बाहेर येताच आरोपी रवि पाईकराव यांने आनंदच्या छातीत चाकूने वार केला तर रविच्या हातातील चाकू घेवून बूद्धभूषण ढगे यांने आनंदच्या पाठीत चाकूने जिवे मारण्याच्या उद्देशाने वार केला.यात आदित्य प्रधान भांडण सोडविण्यासाठी गेला असता आरोपी आशोक पाईकराव याने आदित्य प्रधान याच्या कमरेत चाकू खूपसून खाली पाडले चाकू कमरेत खूपसलेला असतांना आरोपी अजय भानुदास उघडे याने पायाने चाकू जोरात दाबून जखमी केले.तर आनंद व आदित्य यास आरोपी कुणाल बाळु सोनटक्के याने काठीने मारहाण केली.तर फिर्यादी व साक्षीदार हे सोडवासोडवी करत असतांना आरोपी कविता अशोक पाइकराव व सिमा बुध्दभुषण ढगे यांना चापटबूक्क्यांनी मारहाण करून नालीत ढकलून दिले.दरम्यान मित्राचे भांडण सोडविण्यासाठी गेला आन जिव गमावला असाच काहीचा प्रकार म्हणावा लागेल.
🔹मूख्य आरोपी फरार🔹
आदित्य प्रधान याच्या कमरेत चाकू खूपसून खून करणारा आरोपी आशोक पाईकराव यास अद्यापही अटक नसून सदरिल आरोपी फरार आहे.एकूण ५ आरोपींना अटक करण्याचे पोलीसासमोर आव्हान आहे.
✍🏻मुख्य संपादक – अशोक अंभोरे
