सेलू (प्रतिनिधी) – शहरातील रहेमान नगर परिसरात अल्पवयीन मुलीशी गैरवर्तन केल्याचा धक्कादायक प्रकार उघडकीस आला असून पोलीस ठाणे येथे आरोपीविरुद्ध भारतीय न्याय संहिता (BNS) कलम 74, 75, 333, 115(2) तसेच पोक्सो कायदा 2012 अंतर्गत कलम 12 प्रमाणे गुन्हा दाखल करण्यात आला आहे.
पोलिसांनी दिलेल्या माहितीनुसार, दिनांक 25 फेब्रुवारी 2026 रोजी सकाळी सुमारे 11 वाजण्याच्या सुमारास रहेमान नगर परिसरात हा प्रकार घडला. फिर्यादी महिलेची 16 वर्षीय अल्पवयीन मुलगी घरात एकटी असताना आरोपीने अनधिकृतपणे घरात प्रवेश केल्याचा आरोप आहे.
यावेळी आरोपीने मुलीचे दोन्ही हात पकडून तिला जवळ ओढत अयोग्य वर्तन केले तसेच पळून जाण्याबाबत दबाव टाकल्याचे फिर्यादीत नमूद आहे. झटापटीदरम्यान मुलीच्या उजव्या हाताच्या कोपराजवळ ओरखडा लागून दुखापत झाल्याची नोंद करण्यात आली आहे.
या प्रकरणी रात्री 9.16 वाजता गुन्हा नोंद करण्यात आला असून आरोपी अर्जुन भारत डोंगरे (रा. रहेमान नगर, सेलू) याला पोलिसांनी ताब्यात घेतले आहे. अटकेची पुढील कायदेशीर प्रक्रिया सुरू आहे.
घटनास्थळी उपविभागीय पोलीस अधिकारी (SDPO) वाघमारे ,सहाय्यक पोलीस निरीक्षक कृष्णा घायवट, पोलीस उपनिरीक्षक शाकीर शेख, पोलीस हवालदार के. एस. तेलंगे यांच्यासह पथकाने भेट देऊन पाहणी केली.
या प्रकरणाचा पुढील तपास पोलीस पोलीस निरीक्षक दीपक बोरसे यांच्या मार्गदर्शनाखाली उपनिरीक्षक शाकीर शेख करत आहेत.
✍🏻मुख्य संपादक – अशोक अंभोरे
