सेलू (प्रतिनिधी) :अनुसूचित जाती (SC) प्रवर्गामध्ये उपवर्गीकरण करण्याच्या निर्णयाविरोधात सेलू येथे तीव्र नाराजी व्यक्त करण्यात आली आहे. या निर्णयामुळे सामाजिक एकता धोक्यात येत असून, तो संविधानाच्या मूलभूत तत्वांविरोधात असल्याचा आरोप करण्यात आला आहे. या पार्श्वभूमीवर ऑल इंडिया पँथर सेनेच्या वतीने मा. तहसीलदार सेलू यांना निवेदन सादर करण्यात आले.
निवेदनात नमूद करण्यात आले आहे की, एससी समाजामध्ये उपवर्गीकरण केल्यास समाजात फूट पडण्याची शक्यता असून, हा निर्णय अन्यायकारक आणि समाजहिताच्या विरोधात आहे. “आमच्या ताटाचे तुकडे करू नका; तुकडे झाल्यावर ते ताट राहत नाही,” अशा तीव्र शब्दांत संताप व्यक्त करण्यात आला.
यावेळी संघटनेच्या पदाधिकाऱ्यांनी स्पष्ट इशारा दिला की, सरकारने हा निर्णय तात्काळ रद्द न केल्यास लोकशाही मार्गाने तीव्र आंदोलन छेडले जाईल.
असा इशारा तहसीलदार यांना दिलेल्या निवेदनात केला आहे निवेदनावर ऋतिक सावंत, रोहन आकात, विनोद धापसे, सचिन सावंत,अर्जुन सावंत, बालासाहेब सावंत, समीर शेख, कुमार सावंत आदींच्या सह्या आहेत.
✍🏻मुख्य संपादक – अशोक अंभोरे
