नूतन शिक्षण संस्थेचा गुणवत्तेचा झेंडा उंचावला!
होमी भाभा बाल वैज्ञानिक परीक्षेत ५ विद्यार्थ्यांना सिल्वर, १ ला ब्राँझ पदक
सेलू (प्रतिनिधी):
प्रतिष्ठित होमी भाभा बाल वैज्ञानिक परीक्षा (अंतिम फेरी) मध्ये नूतन विद्यालय शिक्षण संस्थेच्या विद्यार्थ्यांनी दैदिप्यमान यश संपादन करत शैक्षणिक गुणवत्तेचा ठसा उमटवला आहे. या परीक्षेत संस्थेच्या एकूण सहा विद्यार्थ्यांनी पदके पटकावत सेलूच्या शैक्षणिक क्षेत्रात अभिमानाची भर घातली आहे.
बाहेती बिहाणी नूतन इंग्लिश स्कूलचे कु. जीवन प्रभाकर सोळंके, कु. स्नेहा पंढरीनाथ सोनवणे आणि कु. तन्वी भिमराव बिरादार यांनी सिल्वर मेडल पटकावले. तसेच नूतन विद्यालयातील कु. धनश्री विलास शेळके आणि कु. आर्या लक्ष्मीकांत कुलकर्णी यांनीही सिल्वर मेडल मिळवून उल्लेखनीय कामगिरी केली.
कु. आध्या भुजंग देऊळगावकर हिने ब्राँझ पदक जिंकत संस्थेचा गौरव वाढवला.
या यशामुळे नूतन शिक्षण संस्थेची शैक्षणिक गुणवत्ता, विद्यार्थ्यांची मेहनत आणि शिक्षकांचे मार्गदर्शन पुन्हा एकदा अधोरेखित झाले आहे. ग्रामीण भागातील विद्यार्थीदेखील राष्ट्रीय पातळीवरील स्पर्धांमध्ये दमदार कामगिरी करू शकतात, याचे हे जिवंत उदाहरण ठरले आहे.
या यशाबद्दल संस्थेचे अध्यक्ष डॉ. एस. एम. लोया, उपाध्यक्ष डी. के. देशपांडे, सचिव डॉ. विनायकराव कोठेकर, सहसचिव जयप्रकाश बिहाणी, नंदकिशोर बाहेती, प्रशासकीय अधिकारी डॉ. शरद कुलकर्णी तसेच सर्व मुख्याध्यापक, उपमुख्याध्यापक, पर्यवेक्षक व शिक्षकवृंद यांनी विद्यार्थ्यांचे कौतुक करत पुढील वाटचालीस शुभेच्छा दिल्या.
“परिश्रम, योग्य मार्गदर्शन आणि जिद्द यांचा संगम झाला की यश अटळ असते,” हे नूतन शिक्षण संस्थेच्या विद्यार्थ्यांनी पुन्हा एकदा सिद्ध करून दाखवले आहे.
ं
✍🏻मुख्य संपादक – अशोक अंभोरे
