सेलू, दि. 10 डिसेंबर:
सेलू पोलीस ठाण्याच्या पथकाने वालुर येथील कुरेशी मोहल्ला आणि साठेनगर परिसरात आज सकाळी छापा टाकत अवैधरित्या गोवंशाचे मांस साठवून विक्री करण्याचा प्रयत्न करणाऱ्या चौघांना अटक केली. या कारवाईत 265 किलो गोवंश मांसासह एकूण 65,200 रुपयांचा मुद्देमाल जप्त करण्यात आला. महाराष्ट्र पशुप्रतिबंधक अधिनियम 1976 अन्वये या प्रकरणी गुन्हा नोंदविण्यात आला आहे.
ही कारवाई गुरन क्र. 620/20285, कलम 5(क), 6(9)(अ) अंतर्गत करण्यात आली असून फिर्यादी गुलाब राजाभाऊ राठोड (वय 39, व्यवसाय नोकरी, पोह. 1336) यांच्या फिर्यादीवरून गुन्हा नोंद करण्यात आला.
अटक केलेल्या आरोपींची नावे अबुसुफियान दादामिया कुरेशी (20), आवेज हुसेन कुरेशी (23), अब्दुल रफीक अ. लतीफ कुरेशी (31) आणि शेख नाजेम शेख कालु कुरेशी (39) अशी असून सर्वजण खाटीक व्यवसाय करणारे आणि रा. कुरेशी मोहल्ला, वालुर येथील रहिवासी आहेत.मिळालेल्या प्राथमिक माहितीनुसार, आरोपींनी स्वत:च्या ताब्यातील जागेत गोवंशाचे मांस साठवून विक्रीसाठी तयार ठेवले होते. याबाबत गुप्त माहितीच्या आधारे पोलिसांनी सकाळी 8.10 ते 11.00 वाजण्याच्या दरम्यान छापा टाकला.
पोलीस निरीक्षक दीपक बोरसे यांच्या मार्गदर्शनाखाली पोऊपनि पवार, पोउपनि राऊत, पोह/506 जाधव, पोह/1336 राठोड, पोह/434 राठोड यांनी संयुक्तरित्या ही कारवाई केली.गुन्ह्याची नोंद पोलीस उपनिरीक्षक वहाब पठाण केली आहे.
आरोपींना ताब्यात घेतले असून पोलीस निरीक्षक बोरसे यांच्या मार्गदर्शनाखाली पुढील तपास पोलीस उपनिरीक्षक पवार करीत आहेत.पोलिसांनी केलेल्या या कारवाईमुळे परिसरातील अवैध कृत्यांवर प्रतिबंध लागेल.
✍🏻मुख्य संपादक – अशोक अंभोरे
