सेलू, दि. २७/
महाराष्ट्र शासनाच्या महसूल व वन विभागाच्या मार्गदर्शक सूचनांनुसार सेलू तालुक्यात जनतेच्या समस्या तत्काळ मार्गी लावण्यासाठी ‘छत्रपती शिवाजी महाराज समाधान शिबीर’ (टप्पा १) चे भव्य आयोजन करण्यात आले आहे. शासनाची सेवा थेट गावपातळीवर पोहोचवण्याच्या उद्देशाने हे शिबीर ७ मार्च व १४ मार्च २०२६ रोजी होणार असल्याची माहिती तहसीलदार शिवाजी मगर यांनी दिली.
शिबिराचे वेळापत्रक ७ मार्च २०२६ – वालूर महसूल मंडळ,स्थळ: दुर्गादेवी बाजार मैदान, वालूर.१४ मार्च २०२६ – कुपटा महसूल मंडळ स्थळ: जि.प. शाळा, कुपटा.
या समाधान शिबिरात नागरिकांना एकाच छताखाली विविध शासकीय सेवा तत्काळ आणि सुलभ पद्धतीने उपलब्ध करून देण्यात येणार आहेत. नागरिकांचा वेळ, पैसा आणि कार्यालयीन फेऱ्या वाचवून प्रशासन अधिक पारदर्शक व जबाबदार करण्याचा या उपक्रमाचा हेतू आहे.या शिबिरात रहिवासी, उत्पन्न व नॉन-क्रिमिलेअर, प्रमाणपत्र वाटप करण्या येणार आहे.पीएम किसान योजनेसाठी नवीन अर्ज, ई-केवायसी व प्रलंबित लँड सीडिंग कामे,नाव नोंदणी, वगळणे व ऑनलाईन दुरुस्ती.७/१२ उताऱ्यावर वारस नोंदी, फेरफार नकलांचे वाटप.
डिजिटल ७/१२ डाउनलोडचे प्रात्यक्षिक,तुकडेबंदी कायद्यांतर्गत नियमितीकरण मार्गदर्शन अकृषिक (NA) जमिनींबाबत नवीन नियमांची माहिती महसूल विभागाशी संबंधित तक्रारींचे जागेवरच निवारण
या शिबिरामुळे ग्रामीण भागातील शेतकरी, महिला, विद्यार्थी व सर्वसामान्य नागरिकांना त्यांच्या हक्काच्या सेवा गावातच, तत्परतेने व सन्मानपूर्वक मिळणार आहेत. शासनाच्या योजनांचा प्रत्यक्ष लाभ तळागाळापर्यंत पोहोचवण्याच्या दृष्टीने हा उपक्रम महत्त्वाचा टप्पा ठरणार आहे.
सेलू तालुका प्रशासनाने नागरिकांना आवाहन केले आहे की, आवश्यक कागदपत्रांसह शिबिरास उपस्थित राहून या सुवर्णसंधीचा लाभ घ्यावा. शासन-प्रशासन आणि जनता यांच्यातील विश्वास अधिक दृढ करणारे हे शिबीर ठरणार आहे.
✍🏻मुख्य संपादक – अशोक अंभोरे
